પેટ્રોલિયમના ISO Tank Container માટે 3 વર્ષની મંજૂરીનો પ્રસ્તાવ, Safety Rules કડક થશે

કેન્દ્ર સરકારે ISO Tank Container મારફતે પેટ્રોલિયમની આયાત અને પરિવહન માટે મંજૂરીની પ્રક્રિયા સરળ બનાવવા સાથે સુરક્ષા નિયમો વધુ કડક કરવાનો પ્રસ્તાવ મૂક્યો છે. Ministry of Petroleum and Natural Gasએ Petroleum (Amendment) Rules, 2026નો ડ્રાફ્ટ જાહેર કર્યો છે. પ્રસ્તાવ મુજબ યોગ્ય અરજદારોને ISO Tank Container મારફતે પેટ્રોલિયમ આયાત અને પરિવહન માટે ત્રણ વર્ષ સુધીની મંજૂરી આપી શકાય છે.

7 કાર્યદિવસમાં નિર્ણયનો પ્રસ્તાવ

ડ્રાફ્ટમાં સંપૂર્ણ દસ્તાવેજો સાથે કરવામાં આવેલી અરજી પર 7 કાર્યદિવસની અંદર નિર્ણય કરવાની વ્યવસ્થા સૂચવવામાં આવી છે. નક્કી સમયમર્યાદામાં અરજી પર નિર્ણય ન થાય તો Deemed Approvalની જોગવાઈ લાગુ કરવાની દરખાસ્ત પણ કરવામાં આવી છે.

મંજૂરી વગર પેટ્રોલિયમ આયાત નહીં

પ્રસ્તાવિત નિયમો મુજબ પેટ્રોલિયમથી ભરેલા અથવા પેટ્રોલિયમ ભરવા માટેના ISO Tank Containerની આયાત માટે Chief Controller અથવા Controllerની પૂર્વ મંજૂરી લેવી ફરજિયાત રહેશે. અરજી Petroleum and Explosives Safety Organisation એટલે કે PESOના Online Licensing Portal મારફતે કરવાની રહેશે.

તકનીકી અને સુરક્ષા દસ્તાવેજો જરૂરી

અરજદારે નિર્ધારિત તકનીકી વિગતો અને સુરક્ષા સંબંધિત દસ્તાવેજો પણ રજૂ કરવા પડશે. તેનો હેતુ પેટ્રોલિયમના પરિવહન અને આયાત દરમિયાન સુરક્ષા ધોરણોનું પાલન સુનિશ્ચિત કરવાનો છે. હાલ માત્ર ડ્રાફ્ટ, અંતિમ નિયમ નથી આ સુધારા હજી ડ્રાફ્ટ તબક્કામાં છે. સરકારે જાહેર જનતા અને સંબંધિત હિતધારકો પાસેથી વાંધા અને સૂચનો માંગ્યા છે. Gazetteની નકલ જાહેર થયાની તારીખથી 30 દિવસ બાદ મળેલા પ્રતિસાદ પર વિચાર કર્યા પછી જ અંતિમ નિયમો જાહેર થઈ શકે છે.

અમારી WhatsApp ચેનલમાં જોડાવવા અહીં આપેલી લિંક પર ક્લિક કરો

https://whatsapp.com/channel/0029VbDPNhHISTkJEDTirJ16

આ પણ વાંચો: Arcilનો ₹733 કરોડનો IPO 9 સપ્ટેમ્બરે ખુલશે, ભાવ Rs 132-139