KuberaNowLogo
Tuesday, 17/11/2026
InstagramFacebookXYouTubeLinkedInWhatsAppTelegram
Background

Advertise With Us

Reach Millions. Build Your Brand

NHAI New System: વીમા વગરના વાહનચાલકો સાવધાન, NHAIની નવી સિસ્ટમ કરશે ઓળખ

NHAI દિલ્હી ખાતે ટોલ પ્લાઝા પરથી પસાર થતી વગર માન્ય થર્ડ પાર્ટી ઈન્સ્યોરન્સવાળી ગાડીઓની ઓળખ માટે નવી વ્યવસ્થાનું ટ્રાયલ કરી રહ્યું છે. સિસ્ટમ વીમાની સ્થિતિ તપાસીને વાહન માલિકને SMS દ્વારા એલર્ટ કરશે.

Kuberanow DeskPublished On : 17 Nov 2026
NHAI New System
AI Generated Image

હવે વાહનનું ઈન્સ્યોરન્સ એક્સપાયર થયું હોય તો માત્ર ટ્રાફિક પોલીસની તપાસ દરમિયાન જ પકડાવાનો ભય નહીં રહે. NHAI એક એવી વ્યવસ્થા પર કામ કરી રહ્યું છે, જેમાં ટોલ પ્લાઝા પરથી વાહન પસાર થતાં તેની ઈન્સ્યોરન્સ સ્થિતિની તપાસ થઈ શકે છે. ઈન્સ્યોરન્સ અમાન્ય હોય તો રજિસ્ટર્ડ વાહન માલિકના મોબાઇલ પર SMS મોકલવામાં આવશે.


દિલ્હીથી શરૂ થયો પાયલટ પ્રોજેક્ટ

NHAIએ આ નવી વ્યવસ્થાનો પાયલટ પ્રોજેક્ટ દિલ્હીમાં શરૂ કર્યો છે. હાલમાં અર્બન એક્સટેન્શન રોડ-2 (UER-II) પર આવેલા મુન્ડકા ટોલ પ્લાઝા ખાતે તેનું ટ્રાયલ ચાલી રહ્યું છે. આ સિસ્ટમનો હેતુ એવી ગાડીઓની ઓળખ કરવાનો છે, જેમનું થર્ડ પાર્ટી ઈન્સ્યોરન્સ એક્સપાયર થઈ ગયું છે અથવા જેમની પાસે માન્ય વીમો નથી. શરૂઆતમાં તેનું પરીક્ષણ દિલ્હીમાં કરવામાં આવશે. સિસ્ટમ યોગ્ય રીતે કામ કરશે તો તેને દેશના અન્ય વિસ્તારોમાં પણ લાગુ કરી શકાય છે.


ટોલ પરથી પસાર થતાં જ વીમાની તપાસ

નવી વ્યવસ્થા હેઠળ ટોલ પ્લાઝા પરથી પસાર થતી ગાડીનો રજિસ્ટ્રેશન નંબર અને અન્ય જરૂરી માહિતી વાહન ડેટાબેઝ સાથે શેર કરવામાં આવશે. આ ડેટાબેઝ National Informatics Centre (NIC) પાસે છે. ત્યારબાદ સિસ્ટમ સંબંધિત વાહનનો ઈન્સ્યોરન્સ માન્ય છે કે નહીં તેની આપમેળે તપાસ કરશે. જો વીમો એક્સપાયર થઈ ગયો હોય અથવા વાહન પાસે માન્ય ઈન્સ્યોરન્સ ન હોય, તો થોડા જ સમયમાં રજિસ્ટર્ડ માલિકના મોબાઇલ પર SMS મોકલવામાં આવશે. SMSમાં વાહન નંબર, ટોલ પ્લાઝા પરથી પસાર થવાનો સમય અને ઈન્સ્યોરન્સની સમાપ્તિ તારીખ જેવી માહિતી આપવામાં આવશે. સાથે જ વાહન માલિકને વહેલી તકે ઈન્સ્યોરન્સ રિન્યૂ કરાવવાની સલાહ પણ આપવામાં આવશે.


વગર ઈન્સ્યોરન્સ વાહન ચલાવશો તો દંડ

Motor Vehicles Act હેઠળ રસ્તા પર ચાલતા વાહન માટે માન્ય થર્ડ પાર્ટી ઈન્સ્યોરન્સ જરૂરી છે. જો કોઈ વ્યક્તિ માન્ય થર્ડ પાર્ટી ઈન્સ્યોરન્સ વગર વાહન ચલાવતા પકડાય તો દંડ થઈ શકે છે.


- પહેલી વખત: વાહનના બેઝ પ્રીમિયમના ત્રણ ગણા અથવા ₹5,000, બેમાંથી જે વધુ હોય તે દંડ.

- બીજી અથવા ત્યારબાદની વખત: બેઝ પ્રીમિયમના પાંચ ગણા અથવા ₹10,000, બેમાંથી જે વધુ હોય તે દંડ.


આથી વાહનનું ઈન્સ્યોરન્સ એક્સપાયર થવાનું હોય અથવા પહેલેથી જ સમાપ્ત થઈ ગયું હોય તો સમયસર તેને રિન્યૂ કરાવવું જરૂરી રહેશે.


આ પણ વાંચો: UPIનો નવો રેકોર્ડ! નવેમ્બરમાં એક જ દિવસમાં ₹1.36 લાખ કરોડની લેવડદેવડ

આ પણ જુઓ:

Share Link
WhatsAppFacebookXLinkedIn

Also Read

MS Dhoni Retirement

MS Dhoni IPL Retirement: એમએસ ધોનીએ IPLને કહ્યું અલવિદા, ચેન્નાઈ સુપર કિંગ્સે સોંપી મોટી જવાબદારી

WAVES Film Bazaar 2026

WAVES Film Bazaar 2026: ગોવામાં 20મી નવેમ્બરથી ફિલ્મ બિઝનેસનો મહાકુંભ,ભારતીય ફિલ્મોને મળશે ગ્લોબલ માર્કેટમાં તક

Ramayana Film

Ramayana Box Office: વીક-ડેમાં કમાણી ઘટી, છતાં ભારતમાં ₹800 કરોડની નજીક ‘રામાયણ’

Budget 2027-28

Budget 2027-28: LPGથી કાચા માલ સુધી ટેક્સ ઘટાડવાની માંગ, મેન્યુફેક્ચરિંગ ઈન્ડસ્ટ્રીઓ દ્વારા નાણામંત્રી સમક્ષ મૂક્યા પ્રસ્તાવ!

IRCTC Tourism

IRCTC Kerala Tour: અમદાવાદથી કેરળની 7 દિવસની સફર ₹59,000માં, ફ્લાઇટ સાથે હાઉસબોટમાં રોકાણ

UPI Hits Record

UPIની રેકોર્ડબ્રેક છલાંગ! એક જ દિવસમાં ₹1.36 લાખ કરોડના વ્યવહાર

RBI Action

RBIની મોટી કાર્યવાહી: 49 NBFCના લાઇસન્સ રદ, 14 સંસ્થાઓએ સ્વેચ્છાએ નોંધણી પરત કરી

Box Office Collection

Box Office Collection 2026: ₹12,534 કરોડની કમાણી, ‘રામાયણ’ના જોરે ભારતીય સિનેમા નવા રેકોર્ડની નજીક