Budget 2027-28: LPGથી કાચા માલ સુધી ટેક્સ ઘટાડવાની માંગ, મેન્યુફેક્ચરિંગ ઈન્ડસ્ટ્રીઓ દ્વારા નાણામંત્રી સમક્ષ મૂક્યા પ્રસ્તાવ!
Budget 2027-28 પહેલાં મેન્યુફેક્ચરિંગ ઈન્ડસ્ટ્રીએ સરકાર સમક્ષ અનેક મહત્ત્વપૂર્ણ માંગણીઓ રજૂ કરી છે. LPG, LNG અને કાચા માલ પર કસ્ટમ ડ્યુટી ઘટાડવા, નવી કંપનીઓને ટેક્સમાં રાહત આપવા અને PLI યોજનાનો વ્યાપ વધારવા પર ઉદ્યોગોએ ભાર મૂક્યો છે.

Budget 2027-28: આગામી કેન્દ્રીય બજેટ પહેલાં મેન્યુફેક્ચરિંગ ઈન્ડસ્ટ્રીએ સરકાર સમક્ષ ટેક્સ અને ઉત્પાદન ખર્ચ ઘટાડવા સંબંધિત અનેક મહત્ત્વપૂર્ણ માંગણીઓ મૂકી છે. નાણામંત્રી નિર્મલા સીતારમણ સાથેની પ્રી-બજેટ બેઠકમાં ઉદ્યોગના પ્રતિનિધિઓએ કાચા માલ પર કસ્ટમ ડ્યુટી ઘટાડવા, નવી કંપનીઓને કર રાહત આપવા અને સ્થાનિક ઉત્પાદનને વધુ પ્રોત્સાહન આપવાની જરૂરિયાત દર્શાવી છે.
LPG, LNG અને કાચા માલ પર કસ્ટમ ડ્યુટી ઘટાડવા માંગ
મેન્યુફેક્ચરિંગ સેક્ટરની મુખ્ય માંગ LPG, LNG, નેપ્થા અને અન્ય ઔદ્યોગિક કાચા માલ પર લાગતી કસ્ટમ ડ્યુટી ઘટાડવાની છે. કંપનીઓએ ફીડસ્ટોક પરની બેઝિક કસ્ટમ ડ્યુટી ઘટાડવા અથવા દૂર કરવાની રજૂઆત કરી છે. ફીડસ્ટોક એટલે ઉત્પાદન પ્રક્રિયામાં ઉપયોગમાં લેવાતો કાચો માલ.આ ઉપરાંત પેટ્રોલિયમ કોક અને અન્ય ઔદ્યોગિક ઇંધણ પર પણ ડ્યુટીમાં રાહત આપવાની માંગ કરવામાં આવી છે.
નવી મેન્યુફેક્ચરિંગ કંપનીઓને ટેક્સમાં રાહત
ઉદ્યોગના પ્રતિનિધિઓએ નવી મેન્યુફેક્ચરિંગ કંપનીઓ માટે કર રાહતની માંગ કરી છે. ખાસ કરીને આવકવેરા કાયદાની કલમ 115BAB જેવા રાહત દર ફરીથી લાગુ કરવાની રજૂઆત કરવામાં આવી છે. ઉદ્યોગોનું માનવું છે કે ઓછા કર દરોથી નવી કંપનીઓને ઉત્પાદન ક્ષેત્રે પ્રવેશવામાં મદદ મળી શકે છે.
ઈલેક્ટ્રોનિક્સથી ઓટો સેક્ટર સુધી PLI વિસ્તારવાની માંગ
મેન્યુફેક્ચરિંગ ઈન્ડસ્ટ્રીએ ઈલેક્ટ્રોનિક્સ, સેમિકન્ડક્ટર, ટેક્સટાઈલ, ફાર્માસ્યુટિકલ્સ અને ઓટોમોબાઈલ ક્ષેત્રોમાં પ્રોડક્શન લિંક્ડ ઇન્સેન્ટિવ (PLI) યોજનાનો વ્યાપ વધારવાની માંગ કરી છે. આ યોજના હેઠળ ઉત્પાદન વધારવા માટે કંપનીઓને પ્રોત્સાહન આપવામાં આવે છે. ઈન્ડસ્ટ્રીઓ ઇચ્છે છે કે વધુ ક્ષેત્રોને તેનો લાભ મળે અને સ્થાનિક ઉત્પાદનને વેગ મળે.
સસ્તી લોન અને NPA નિયમોમાં સરળતાની રજૂઆત
મેન્યુફેક્ચરિંગ કંપનીઓએ કાર્યકારી મૂડી એટલે કે વર્કિંગ કેપિટલની ઉપલબ્ધતા સુધારવાની માંગ કરી છે. સાથે જ ક્રેડિટ ગેરંટીનો વ્યાપ વધારવા અને NPA સંબંધિત નિયમો સરળ બનાવવાની રજૂઆત કરવામાં આવી છે. કંપનીઓ દૈનિક વ્યવસાય, ઉત્પાદન અને અન્ય ખર્ચ માટે વર્કિંગ કેપિટલનો ઉપયોગ કરે છે. તેથી લોન મેળવવાની પ્રક્રિયામાં સરળતા લાવવાની જરૂરિયાત દર્શાવવામાં આવી છે.
ગ્રીન ટેકનોલોજી માટે વધારાના કર પ્રોત્સાહનો
Also Read

MS Dhoni IPL Retirement: એમએસ ધોનીએ IPLને કહ્યું અલવિદા, ચેન્નાઈ સુપર કિંગ્સે સોંપી મોટી જવાબદારી

WAVES Film Bazaar 2026: ગોવામાં 20મી નવેમ્બરથી ફિલ્મ બિઝનેસનો મહાકુંભ,ભારતીય ફિલ્મોને મળશે ગ્લોબલ માર્કેટમાં તક

Ramayana Box Office: વીક-ડેમાં કમાણી ઘટી, છતાં ભારતમાં ₹800 કરોડની નજીક ‘રામાયણ’

NHAI New System: વીમા વગરના વાહનચાલકો સાવધાન, NHAIની નવી સિસ્ટમ કરશે ઓળખ

IRCTC Kerala Tour: અમદાવાદથી કેરળની 7 દિવસની સફર ₹59,000માં, ફ્લાઇટ સાથે હાઉસબોટમાં રોકાણ

UPIની રેકોર્ડબ્રેક છલાંગ! એક જ દિવસમાં ₹1.36 લાખ કરોડના વ્યવહાર

RBIની મોટી કાર્યવાહી: 49 NBFCના લાઇસન્સ રદ, 14 સંસ્થાઓએ સ્વેચ્છાએ નોંધણી પરત કરી





