સેન્સેક્સએ 80,000ની સપાટી બનાવી, નિફ્ટી50 24,600ની ઉપર

Opening Bell: ભારતીય શેરબજારની આજે ફ્લેટ શરૂઆત થઈ છે. સેન્સેક્સ 103.65 પોઈન્ટ અથવા 0.13% વધીને 79,413.66ના સ્તરે ખુલ્યો છે, જ્યારે નિફ્ટી50 1.60 પોઈન્ટ અથવા 0.01% વધીને 24,538.20ના સ્તરે ખુલ્યો છે. આજે વ્યાપક બજારમાં (બ્રોડર માર્કેટ) વેચવાલીનું દબાણ વધુ જોવા મળ્યું હતું. નિફ્ટી મિડકેપ સૂચકાંકોમાં લગભગ 1.15 ટકાનો ઘટાડો થયો હતો, જ્યારે નિફ્ટી સ્મોલકેપ સૂચકાંકો 1.37 ટકાથી 1.67 ટકા જેટલા ઘટ્યા હતા. નિફ્ટી નેક્સ્ટ 50માં 1.22 ટકાનો ઘટાડો નોંધાયો હતો, જ્યારે નિફ્ટી 100 અને નિફ્ટી 500 અનુક્રમે 0.28 ટકા અને 0.59 ટકા ઘટ્યા હતા.

સેક્ટરલ સૂચકાંકોમાં, નિફ્ટી મેટલ ઇન્ડેક્સનું પ્રદર્શન સૌથી નબળું રહ્યું હતું, જેમાં 2.33 ટકાનો ઘટાડો થયો હતો. નિફ્ટી રિયલ્ટી 1.18 ટકા ઘટ્યો હતો, જ્યારે નિફ્ટી ઓઇલ એન્ડ ગેસમાં 1.12 ટકાનો ઘટાડો જોવા મળ્યો હતો. નિફ્ટી આઇટી (IT) ઇન્ડેક્સે બજારના સામાન્ય વલણથી વિપરીત 1.63 ટકાનો ઉછાળો નોંધાવ્યો હતો. નિફ્ટી મીડિયામાં 0.14 ટકાનો વધારો થયો હતો, જ્યારે નિફ્ટી પ્રાઇવેટ બેંક 0.11 ટકા જેટલો ઉપર ગયો હતો.

ગુરુવારે ભારતીય બજારમાં જોરદાર તેજી જોવા મળી હતી. સેન્સેક્સ 2,008.61 પોઇન્ટ એટલે કે 2.60% વધીને 79,310.01 પર બંધ થયો હતો. નિફ્ટી 576 પોઇન્ટ એટલે કે 2.40% ઊછળીને 24,536.60 પર પહોંચ્યો હતો. બંને ઇન્ડેક્સ સતત છઠ્ઠા સત્રમાં વધ્યા હતા, જે નવેમ્બર 2025 પછીની સૌથી લાંબી તેજીની શ્રેણી છે. નિફ્ટી પણ 7 ઑગસ્ટ 2026 પછી પ્રથમ વખત 24,500ની ઉપર બંધ રહ્યો હતો.

ક્રૂડ ઓઇલના ભાવમાં ઘટાડો, પશ્ચિમ એશિયાના સંઘર્ષનો વહેલો ઉકેલ આવવાની આશા, રૂપિયાની મજબૂતી અને વિદેશી રોકાણકારોની ખરીદીએ ગઈકાલે બજારને ટેકો આપ્યો હતો. વિવિધ ક્ષેત્રોના શેરોમાં ખરીદીને કારણે BSE પર લિસ્ટેડ કંપનીઓનું કુલ બજારમૂલ્ય આશરે ₹8 લાખ કરોડ વધીને ₹500 લાખ કરોડને પાર પહોંચ્યું હતું. અગાઉના સત્રમાં આ રકમ ₹4,93,44,339.41 કરોડ હતી.

જોકે, અમેરિકી બજારમાં ગુરુવારે ભારે ઘટાડો નોંધાયો હતો. ડેમોક્રેટ્સની ચૂંટણી જીત પછી આર્ટિફિશિયલ ઇન્ટેલિજન્સ એટલે કે AI ઉદ્યોગ પર વધુ કડક નિયમન આવી શકે તેવી ચિંતાએ ચિપ કંપનીઓના શેરોમાં વેચવાલી વધારી હતી. Nasdaq Composite 5.52% ગગડીને 24,315 પર બંધ રહ્યો હતો. આ તેનો 19 મહિનાનો સૌથી મોટો એકદિવસીય ટકાવારી ઘટાડો હતો. તાજેતરના શિખરથી 10%થી વધુ ઘટતાં ઇન્ડેક્સ કરેક્શનના તબક્કામાં પ્રવેશ્યો હતો. S&P 500 પણ 4.36% ઘટીને 7,353.73 પર અને Dow Jones 3.44% નીચે આવીને 51,523.06 પર બંધ થયા હતા.

આ પણ વાંચો: મ્યુચ્યુઅલ ફંડ માટે SEBIનો નવો નિયમ: શેરના સોદામાં તાત્કાલિક ભંડોળની જરૂરિયાત ઘટશે

આ પણ જુઓ:

Watch onYouTube