Special Train: બિહાર જનારાઓને રાહત! 7 અને 14 નવેમ્બરે સાબરમતીથી મુજફ્ફરપુર માટે અનરિઝર્વ્ડ ટ્રેન

Special Train: દિવાળી અને છઠપૂજા દરમિયાન ગુજરાતથી બિહાર જવાનું આયોજન કરતા મુસાફરોને વધારાનો રેલ વિકલ્પ મળશે. તહેવારોની વધારાની ભીડને ધ્યાનમાં રાખીને પશ્ચિમ રેલવેએ સાબરમતી અને મુજફ્ફરપુર વચ્ચે સંપૂર્ણ અનરિઝર્વ્ડ સાપ્તાહિક સ્પેશિયલ ટ્રેન ચલાવવાની જાહેરાત કરી છે. ટ્રેન નંબર 09473/09474 વિશેષ ભાડા પર દોડશે અને બંને દિશામાં મળીને કુલ 4 ફેરા કરશે.

ટ્રેન નંબર 09473 સાબરમતી–મુજફ્ફરપુર અનરિઝર્વ્ડ સ્પેશિયલ 7 અને 14 નવેમ્બર, 2026ના રોજ શનિવારે સાબરમતીથી સાંજે 19:00 કલાકે ઉપડશે. આ ટ્રેન સોમવારે સવારે 04:30 કલાકે મુજફ્ફરપુર પહોંચશે. એટલે 7 નવેમ્બરે ઉપડેલી ટ્રેન 9 નવેમ્બરે અને 14 નવેમ્બરે ઉપડેલી ટ્રેન 16 નવેમ્બરે ગંતવ્યસ્થાને પહોંચશે.

પાછા આવતી વખતે ટ્રેન નંબર 09474 મુજફ્ફરપુર–સાબરમતી અનરિઝર્વ્ડ સ્પેશિયલ 9 અને 16 નવેમ્બર, 2026ના રોજ સોમવારે મુજફ્ફરપુરથી સવારે 07:30 કલાકે ઉપડશે. આ ટ્રેન મંગળવારે સાંજે 17:00 કલાકે સાબરમતી પહોંચશે. આ પ્રમાણે વળતી ટ્રેનો અનુક્રમે 10 અને 17 નવેમ્બરે સાબરમતી પહોંચશે.

માર્ગમાં બંને દિશામાં ટ્રેન કલોલ, મહેસાણા, પાલનપુર, આબૂરોડ, મારવાડ જંકશન, અજમેર, ફુલેરા, જયપુર, બાંદીકુઈ, ભરતપુર, અછનેરા, ઈદગાહ આગરા, ટૂંડલા, કાનપુર સેન્ટ્રલ, સૂબેદારગંજ, જ્ઞાનપુર રોડ, બનારસ, વારાણસી, ઔંડિહાર, બલિયા, સુરેમનપુર, છપરા, સોનપુર અને હાજીપુર સ્ટેશનો પર રોકાશે.

આ ટ્રેન સંપૂર્ણપણે અનરિઝર્વ્ડ રહેશે અને તેનું સંચાલન વિશેષ ભાડા પર થશે. મુસાફરો સ્ટોપેજ, સમયપત્રક અને અન્ય વિગતવાર માહિતી માટે ભારતીય રેલવેની સત્તાવાર વેબસાઇટ enquiry.indianrail.gov.in પર તપાસ કરી શકે છે.

આ પણ વાંચો: Chhath Puja: 11 નવેમ્બરે અમદાવાદ–રાજગીર વચ્ચે અનરિઝર્વ્ડ Superfast special train દોડશે

આ પણ જુઓ:

Watch onYouTube