અમેરિકાનું ગ્રીન કાર્ડ હવે વધુ મોંઘું, EB-5 વિઝા ફીમાં 114% સુધીનો વધારો

અમેરિકામાં કાયમી વસવાટ (Green Card) મેળવવા માટે EB-5 Immigrant Investor Programનો ઉપયોગ કરતા ભારતીય રોકાણકારો માટે મહત્વપૂર્ણ ફેરફાર આવ્યો છે. અમેરિકાની ઇમિગ્રેશન એજન્સી US Citizenship and Immigration Services (USCIS)એ EB-5 વિઝા પ્રોગ્રામની અરજી ફીમાં મોટો વધારો કર્યો છે. નવા નિયમો મુજબ 30 નવેમ્બર 2026થી EB-5 સંબંધિત વિવિધ ફીમાં 100%થી વધુનો વધારો લાગુ થશે. આ ફેરફારનો સૌથી મોટો અસર Regional Centre મારફતે અરજી કરનારા રોકાણકારો પર પડશે. Form I-526E માટેની અરજી ફી હાલના $3,675થી વધીને $7,850 થશે, એટલે કે તેમાં લગભગ 114%નો વધારો થશે.

EB-5 વિઝા ફીમાં મોટો ફેરફાર

Form I-526 (સામાન્ય EB-5 રોકાણકાર):

હાલની ફી $3,675થી વધીને $7,615 થશે. એટલે કે ફીમાં લગભગ 107%નો વધારો થશે.

Form I-526E (Regional Centre રોકાણકાર):

ફી $3,675થી વધીને $7,850 થશે. તેમાં 114%નો વધારો થશે.

Form I-829 (કાયમી નિવાસની શરતો દૂર કરવા માટે):

ફી $3,750થી વધીને $5,000 થશે.

આ ઉપરાંત Regional Centre રોકાણકારો માટે EB-5 Integrity Fund Fee પણ $1,000થી વધારીને $1,100 કરવામાં આવી છે. નવા નિયમ હેઠળ $75ની ટેક્નોલોજી ફી પણ લાગુ થશે, જે પહેલાથી જ નવી અરજી ફીમાં સામેલ કરવામાં આવી છે.

Regional Centre માટે પણ વધશે ખર્ચ

ફી વધારો માત્ર રોકાણકારો સુધી મર્યાદિત નથી. EB-5 Regional Centre માટે પણ અરજી ખર્ચમાં મોટો વધારો કરવામાં આવ્યો છે.

નવા નિયમ મુજબ:

Regional Centre designation માટે Form I-956ની ફી $17,795થી વધીને $44,115 થશે. Project application Form I-956Fની ફી $17,795થી વધીને $42,675 થશે. આ બંને ફીમાં અનુક્રમે 148% અને 140%નો વધારો થશે. જોકે, કેટલીક ફીમાં ઘટાડો પણ કરવામાં આવ્યો છે. I-956 amendment fee $17,795થી ઘટીને $9,835 થશે, જ્યારે વાર્ષિક I-956G statement fee $3,035થી ઘટીને $2,165 થશે.

હાલમાં રોકાણકારોને Targeted Employment Area (TEA) પ્રોજેક્ટ માટે ઓછામાં ઓછું $800,000, અન્ય યોગ્ય પ્રોજેક્ટ માટે $1.05 મિલિયન રોકાણ કરવું પડે છે. એટલે કે ફી વધારાનો સંબંધ માત્ર સરકારી અરજી ખર્ચ સાથે છે, રોકાણની લઘુત્તમ મર્યાદા યથાવત રહેશે. આ ફી વધારો એવા સમયે આવ્યો છે જ્યારે અમેરિકામાં કામ કરતા ભારતીય H-1B વિઝા ધારકોમાં EB-5 પ્રોગ્રામ પ્રત્યે રસ વધી રહ્યો છે. અમેરિકાની રોજગાર આધારિત ગ્રીન કાર્ડ કેટેગરીમાં ભારતીય અરજદારો માટે લાંબી રાહ જોવાની સ્થિતિને કારણે ઘણા પ્રોફેશનલ્સ વૈકલ્પિક માર્ગ તરીકે EB-5 તરફ ધ્યાન આપી રહ્યા છે.EB-5માં ગ્રામ્ય વિસ્તાર, વધુ બેરોજગારી ધરાવતા વિસ્તાર અને ઈન્ફ્રાસ્ટ્રક્ચર પ્રોજેક્ટ માટે ખાસ વિઝા કેટેગરી ઉપલબ્ધ છે.

આ પણ વાંચો: ટ્રમ્પે AIનું નામ બદલીને Super Intelligence કર્યું, ટેક કંપનીઓ સાથે સહયોગ

આ પણ જુઓ:

Watch onYouTube