China Connectથી Auto Sectorને ‘PLI Boost’! Tata AutoComp અને MG Motor પર નજર

ભારત અને ચીન વચ્ચેના વેપાર સંબંધોમાં સુધારાના સંકેતો વચ્ચે સરકાર ચીનના રોકાણ ધરાવતી ઓટોમોબાઇલ અને ઓટો કમ્પોનન્ટ કંપનીઓને Production Linked Incentive (PLI) યોજનાનો લાભ આપવા માટે તેમની અરજીઓ પર વિચાર કરી શકે છે.

આ પગલાથી Tata AutoComp Systemsના બે Joint Venture અને JSW MG Motor Indiaને ફાયદો મળી શકે છે. અધિકારીઓના જણાવ્યા અનુસાર, માત્ર એવી કંપનીઓની અરજીઓ પર વિચાર કરવામાં આવશે જેમને FDI મંજૂરી મળી ચૂકી છે. PLI યોજના માટે નવી અરજીઓ સ્વીકારવા માટે કોઈ નવી વિન્ડો ખોલવામાં આવી રહી નથી.

Tata AutoComp અને JSW MG Motorને મળી શકે લાભ

JSW MG Motor India ભારતમાં MG બ્રાન્ડ હેઠળ પેસેન્જર વાહનોનું વેચાણ કરે છે. આ કંપની JSW Group અને ચીનની SAIC Motorનું Joint Venture છે. બીજી તરફ Tata AutoComp Systemsના ચીનની કંપનીઓ સાથે બે Joint Venture છે.

TACO Prestolite — ઇલેક્ટ્રિક વાહનો માટે Advanced Electric Drivetrain અને Traction Motorનું ઉત્પાદન કરે છે.

TACO Air International — ઓટોમોટિવ Air Conditioning સિસ્ટમ સાથે જોડાયેલું Joint Venture છે.

Auto PLI યોજનાની સ્થિતિ

કેન્દ્ર સરકારે સપ્ટેમ્બર 2021માં ઓટોમોબાઇલ અને ઓટો કમ્પોનન્ટ ક્ષેત્ર માટે ₹25,938 કરોડના બજેટ સાથે Auto PLI યોજના મંજૂર કરી હતી. આ યોજના હેઠળ કંપનીઓને ઉત્પાદન વૃદ્ધિ, રોકાણ અને Domestic Value Addition જેવા માપદંડ પૂર્ણ કરવા બદલ પ્રોત્સાહન આપવામાં આવે છે. હાલમાં આ યોજના હેઠળ કુલ રોકાણ ₹45,000 કરોડથી વધુ થઈ ગયું છે. FY27ના બજેટમાં Auto PLI માટે ₹5,939.87 કરોડની જોગવાઈ કરવામાં આવી છે, જે અગાઉના નાણાકીય વર્ષ કરતાં વધુ છે.

ચીન સાથેના રોકાણ નિયમોમાં ફેરફાર

2020માં ગલવાન ઘટના બાદ ભારતે ચીન સાથે જોડાયેલા રોકાણ માટે FDI મંજૂરીના નિયમો કડક કર્યા હતા. ત્યારબાદ તાજેતરના સમયમાં બંને દેશો વચ્ચે અધિકારી સ્તરે વાતચીતમાં વધારો થયો છે. ચીનના રોકાણ ધરાવતા FDI પ્રસ્તાવોની મંજૂરી પ્રક્રિયામાં સુધારા બાદ કેટલીક કંપનીઓની PLI અરજીઓ આગળ વધવાની શક્યતા છે.

આ પણ વાંચો : જિંદાલ સુપ્રીમ ઇન્ડિયાનો શેર ચમક્યો, 31% પ્રીમિયમ સાથે માર્કેટમાં એન્ટ્રી

આ પણ જુઓ :

Watch onYouTube