Appleની મોટી ઇવેન્ટ આવતીકાલે, iPhone 18 Pro સાથે Foldable iPhone પર નજર

Appleનો વર્ષનો સૌથી મોટો iPhone લોન્ચ ઇવેન્ટ 9 સપ્ટેમ્બર 2026ના રોજ યોજાશે. કંપનીએ ઇવેન્ટનું નામ “Surprise and shine” રાખ્યું છે અને તેનું આયોજન કેલિફોર્નિયાના Apple Parkમાં થશે. અહેવાલો મુજબ આ વખતે મુખ્ય ફોકસ iPhone 18 Pro અને iPhone 18 Pro Max પર રહેશે. સાથે Apple પોતાના પ્રથમ Foldable iPhone પરથી પણ પડદો ઉઠાવી શકે છે.

ભારતમાં કેટલા વાગ્યે શરૂ થશે ઇવેન્ટ?

ભારતમાં Appleનો ઇવેન્ટ 9 સપ્ટેમ્બરે રાત્રે 10:30 વાગ્યે શરૂ થશે. તેને Appleની સત્તાવાર વેબસાઇટ અને Apple TV App પર લાઇવ જોઈ શકાશે. Appleના સત્તાવાર યુટ્યુબ ચેનલ પર પણ ઇવેન્ટનું લાઇવ સ્ટ્રીમિંગ ઉપલબ્ધ રહેવાની અપેક્ષા છે.

iPhone 18 Proમાં શું નવું મળી શકે?

અહેવાલો મુજબ iPhone 18 Pro સિરીઝમાં પરફોર્મ્સ, કેમેરા અને બેટરીમાં સુધારા જોવા મળી શકે છે. Macworldના અહેવાલ મુજબ Pro મોડલમાં Appleની નવી પેઢીની A20 Chip મળી શકે છે, જે 2nm પ્રોસેસ પર આધારિત હોઈ શકે છે. સાથે Appleનું C2 Modem પણ આપવામાં આવી શકે છે. કેમેરામાં Variable Aperture System મળવાની પણ ચર્ચા છે. જોકે Appleએ આ સ્પેસિફિકેશન્સની સત્તાવાર પુષ્ટિ કરી નથી.

નવા રંગોમાં આવી શકે iPhone 18 Pro

અહેવાલોમાં iPhone 18 Pro સિરીઝ માટે Dark Cherry અને Light Blue જેવા નવા રંગોની ચર્ચા છે. પરંતુ આ રંગોની પણ કંપની તરફથી હજી સત્તાવાર જાહેરાત કરવામાં આવી નથી.

ફોલ્ડેબલ iPhone સૌથી મોટું આકર્ષણ બની શકે

આ ઇવેન્ટની સૌથી મોટી ચર્ચા Appleના પ્રથમ ફોલ્ડેબલ iPhoneને લઈને છે. અહેવાલો મુજબ ફોન Book-Style Foldable Design સાથે આવી શકે છે, જેમાં મોટી અંદરની ડિસ્પ્લે અને બહાર નાની ડિસ્પ્લે મળી શકે છે. કેટલાક અહેવાલોમાં તેને iPhone Ultra નામથી ઓળખવામાં આવી રહ્યું છે. તેની કિંમત $2,000થી વધુ રહી શકે તેવી ચર્ચા છે, પરંતુ Appleએ કિંમત અથવા લોન્ચ અંગે હજી સત્તાવાર પુષ્ટિ કરી નથી.

આ પણ વાંચો: TODAY OPEN IPO: આજે ખુલ્યા 3 મોટા IPO, જાણો કોની GMP છે સૌથી વધુ?

Standard iPhone 18 માટે રાહ જોવી પડી શકે

અહેવાલો મુજબ Standard iPhone 18 આ ઇવેન્ટમાં રજૂ ન પણ થાય. અહેવાલ મુજબ Apple Standard અને અન્ય Non-Pro iPhone મોડલને 2027 સુધી પાછળ ધકેલી શકે છે. એટલે 9 સપ્ટેમ્બરનો ઇવેન્ટ મુખ્યત્વે Premium iPhone મોડલ પર કેન્દ્રિત રહી શકે છે.

અમારી WhatsApp ચેનલમાં જોડાવા નીચે આપેલી લિંક પર ક્લિક કરો

https://whatsapp.com/channel/0029VbDPNhHISTkJEDTirJ16